MERLO

Antón

ARREDADOS

Civilízame
edúcame na farsa dos sátiros
golsarei muxicas apreixadas nos complexos
rilladas nos bosques queimados en ti
en igualdade de oportunidades
coma restroballo destrouto corpo
sen restaurar

Antón ,

DESACONCHEGAR

Bótasme pola forza da desorde da chousa
afrouxando os amallós que guiaron o desprezo

o alivio deste que foi foro e privilexio
entre tanto fastío desarroupado

acubillo do imposíbel, mitade desaconchegada,
fóra coma berro de fera

puro,
simple
sen mestura

Antón

BURÓCRATA

Os mavericks cuspen clásicos agochados nas bombas Orsini.
Disidentes e heterodoxos, enxergan cortellos
onde comunistas de champaña fan de nós
os mellores e máis doces cans de palleiro

Retrouso : non hai guerras de grafitis nas rúas
nin brainstormings para os obreiros

Antón

ARTIFICIO

Antón

ARROUTADA

Política de terra queimada en cada bico

É a consigna da arroutada,
fetichista das causas perdidas...

Antón

UNDERGROUND

O primeiro punk chamouse Rimbaud.
Naceu tatexando a coxeira do mundo,
a infección purulenta dun útero
de arañeiras e paredes núas.

Enferruxado, viaxou á chantaxe
liberadora das palabras,
ao desleixo dunha boca sen dentes
mastigando o derradeiro anaco de vida.

Tatuemos entón o seu nome,
sexamos silenzo segredo,
mesquiños, escasos,
coma aprendices de pistola de Verlaine

Antón

GUIA CINEMATOGRAFICA PARA PERVERTIDOS

Antón, o Rotweiler Católico

TI

Antón