Eles, afían o gume coas escusas cosidas á boca vencellados a un Adn que rexeitan de farrapos escuros sombras arredadas navalladas ceibes feridas abertas
Os partisanos espiamos a arte dos que saben admirar a beleza extraña, combinación perfecta sen límites , agardando polo medo en complicados seres humanos, de poliester desgastado reciclados e reciclábeis na súa falsedade asumida.
Substancia química de microorganismos apañados , aserción esquiva da alma, medrarás nos ollos da carpideira , espontanemente, desviando do camiño os desamalloados fios do foraxido
...Derreado, percorro o flashback dos insurrectos delicia deportada derriba dos ególatras...
... consumo gráficos dos sinais do corazón escaravello polas rúas abertas, esquemática realidade do alcohol corpo de galdrapo todo eu...